البرمكة والشاي
+7
أزهرى الحاج البشير
زهيرحسن السيد
د.الجنيد احمد سليمان
غريق كمبال
محمد قادم نوية
عوض السيد ابراهيم
محمد النو
11 مشترك
صفحة 1 من اصل 1
البرمكة والشاي
للشاي قانون ونظام يحكم الحريف والكمكلي والتزم الناس سنين بهذه العادات والتراث الجميل والسهرات الليلية وايضا تم وضع رتب محدده لها صلاحيات ولا يمكن لاي شخص ان يصل رتبة ناظر الا اذا كان تابقت الشروط علية والعمدة والشيخ والبوليس السرى والبقية هم الجمهور وتم تقسيم الجمهور الى قسمين قسم الحرفة والكماكلة ووضعوا عقوبات لمن يخالف النظام المتبع في شرب الشاي ومن يقعةعليه عقاب اودفع مبلغ محدد ورفض التنفيذ تفرض علية عقوبة اجتماعية قاسية.
وفي جلسات الشاي يتبادل الحضور الشعر والحديث عن الشاي ويتنافس الناس في المجلس في من يقول افضل شعر في الشاي ومن يصف الكمكلي باسوء العبارات ومثال على اشعار مشكار:
شراب الشاي ( اشرط الشاي شرط دبلان انشرط.
شمشلوك شراب الملوك
بشربك جوت جوت بدخل بيك البيوت
ابو شعيرة الهني الماك شراب دني
بشربك جوت جوت بدخل بيك البيوت
ثم ياتي دور بهارات الشاي من هبهان ونعناع وقرفة
قالو الفصاح
الشاي بلا هبهان زي الفريق بلا دخان
الشاي بلا قرفة زي السلام بلا عرفة
الشاي بلا نعناع زي الصغير بلا رضاع.
نخلي ليكم الباقي عشان تشاركوا كدة كيف يا ول نوية وغريق والمجموعة
وفي جلسات الشاي يتبادل الحضور الشعر والحديث عن الشاي ويتنافس الناس في المجلس في من يقول افضل شعر في الشاي ومن يصف الكمكلي باسوء العبارات ومثال على اشعار مشكار:
شراب الشاي ( اشرط الشاي شرط دبلان انشرط.
شمشلوك شراب الملوك
بشربك جوت جوت بدخل بيك البيوت
ابو شعيرة الهني الماك شراب دني
بشربك جوت جوت بدخل بيك البيوت
ثم ياتي دور بهارات الشاي من هبهان ونعناع وقرفة
قالو الفصاح
الشاي بلا هبهان زي الفريق بلا دخان
الشاي بلا قرفة زي السلام بلا عرفة
الشاي بلا نعناع زي الصغير بلا رضاع.
نخلي ليكم الباقي عشان تشاركوا كدة كيف يا ول نوية وغريق والمجموعة
محمد النو- نشط مميز
رد: البرمكة والشاي
ود النو شاهيك حلو الا ماعونك ضيّق.
ابو الزهور كما سمعت هو من كماكلة الشاى عشان كدا اعتقد انو حيديك من الشعر بيتين
ابو الزهور كما سمعت هو من كماكلة الشاى عشان كدا اعتقد انو حيديك من الشعر بيتين
عوض السيد ابراهيم- مشرف المنتدى العام
رد: البرمكة والشاي
شكراً ود النو 00أتحفتنا بتراث أهلنا العطاوة والكلام عن الحرفة والكمكالة كتييير000
والوالد طبعاً من الحرفة جداً في الشاي وعارف كتير من قصصم في الشاي 00ولو مكضبني لو نزلت السودان امشي عشان يوريك حاجات عمرك ماسمعت بيها ؛والكلام الهسي بكتبو دا قال لي قبل اكتر من عشرة سنة نعرف البرامكة وبعداك نخش في كلامهم عن الشاي
البرامكة وهم مجموعة من الشباب يتحلقون في مجموعات أثناء الأفراح والأعراس والطهارة أو في الأعياد ويحتكمون بقوانين بسيطة ولكنها صارمة بينهم ولكل خطأ عندهم حكم لصاحبه ولكل تحرك من التحركات أثناء الجلسة ضوابط تحكمه وقيود يجب الالتزام بها وعدم تجاوزها وإذا تجاوزتها حاكموك . وسيد هذه الجلسة اوهذه الحلقة هو الشاي وكباية الشاي التي يشربوها وسط طقوس مليئة بالضحك والفكاهة بين البنين والبنات فكباية الشاي التي تشربها مسكة معينة ورشفة معينة ووضعة معينة إذا أخطأت فيها يا ويلك . ويزيد هذه الجلسات حلاوة تلك الأشعار التي يمتازون بنظمها ويرددونها عن الشاي وعن الجميلات وأحيانا يهجون البنات اللاتي يتجاوزن حدودهن في الطرقات أو في المناسبات . ففي الشاي أعطيكم نموذج عنه :
تللو تلو تللو تلو
تشربك آتيه .....
تشربك زينبه أمبية حرير الكرورية
ولا تشربك بنيه زنقاليا البراقة العسيرة الطلعت من عشية
ولا تشربك الخضيرة عاشي كمندان الديش قائد الغربية
تللو تلو تللو تلو
تشربك آتيه
تشربك كلتومة خواجية ضهيب الوقية ألما بشكو فيه
ولا تشربك أم ضي تلتكي القنبلة الذرية
ولا تشربك الدخينة بت حماد الشيخ المهدية الهزمت التركية
تللو تلو تللو تلو
تشربك آتية
تشربك بت سماعيين ابرير اللوة أم ريحتن حلووووة
ولا تشربك فطومة قريدوة الكل الناس بريدوووها
كما لا تخلو هذه الجلسات عن عتاب البنات الجميلات اللاتي تزوجن برجال هم لا يردون لهن الزواج بهم ومحاولة تحريضهن على الرفض من الزواج بهم .فهناك واحده جميلة طلبها واحد صاحب مال ولكنه رجل كبير السن وأصر والدها عليها بالزواج منه لأنه صديقة وإرضاء لوالدها وافقت على مضض لأنها خائفة من كلام البرامكة ففي احد الجلسات قالوا فيها وهي اسمها ( النقيدية )
النقيدية أم عول
أم عقوداً زول
عليك الله لو ربطي فركتكي ومشيتي في وسط الدور ما أخير ليكي من اخيدت ولد ابو قور
فعندما سمعت بهذا الهجاء الصباح رفضت الشايب وقالت لأبوها الموت ولا صحبك ولكن الرجل الشايب طلع عاقل وعفا عنها وشكر والدها الذي كان مصراً على زواجها.
وفي قصة اخري واحد أحب واحدة وتعلق بها وأراد أن يتزوجها وطلب من أبوه واعمامه أن يطلبوها من أهلها فرفضوا بحجة لديهم البنات فلماذا الزواج من جهة أخري وحرموه منها وبعد يومين جاء واحد عسكري وطلبها من أهلها وتزوجها وركبها القطار إلي الخرطوم وترك أخونا والحسرة تعصر قلبه .
فقال :
الريل أبو رقاب الشلتي عقلي
خليتيني مثل الفقير بتم الليل بقري
أنا لموا فوقي الكبار بكتر الكلام قللو صبري
وأنا يا البنجوسة ترى مغلوب على أمري
الشعير مشطو وقندلو ومن تحت تربلو
والوجيج مسحو مسحو وكمان كحلو
والخشيم ياغالية باللبان عطرو
رقد على بطني كن رقد لي غلبي
وانقلب على ضهري وحي انا إهه
اللسان مع اللسان يهاون البلعان والخشيم تقول حلاوة لبان
القطير الشالكي يا البنجوسة أريته بالخراب والقطيب يعدم المسمار
والى أن نلتقي في تراثيات .
والوالد طبعاً من الحرفة جداً في الشاي وعارف كتير من قصصم في الشاي 00ولو مكضبني لو نزلت السودان امشي عشان يوريك حاجات عمرك ماسمعت بيها ؛والكلام الهسي بكتبو دا قال لي قبل اكتر من عشرة سنة نعرف البرامكة وبعداك نخش في كلامهم عن الشاي
البرامكة وهم مجموعة من الشباب يتحلقون في مجموعات أثناء الأفراح والأعراس والطهارة أو في الأعياد ويحتكمون بقوانين بسيطة ولكنها صارمة بينهم ولكل خطأ عندهم حكم لصاحبه ولكل تحرك من التحركات أثناء الجلسة ضوابط تحكمه وقيود يجب الالتزام بها وعدم تجاوزها وإذا تجاوزتها حاكموك . وسيد هذه الجلسة اوهذه الحلقة هو الشاي وكباية الشاي التي يشربوها وسط طقوس مليئة بالضحك والفكاهة بين البنين والبنات فكباية الشاي التي تشربها مسكة معينة ورشفة معينة ووضعة معينة إذا أخطأت فيها يا ويلك . ويزيد هذه الجلسات حلاوة تلك الأشعار التي يمتازون بنظمها ويرددونها عن الشاي وعن الجميلات وأحيانا يهجون البنات اللاتي يتجاوزن حدودهن في الطرقات أو في المناسبات . ففي الشاي أعطيكم نموذج عنه :
تللو تلو تللو تلو
تشربك آتيه .....
تشربك زينبه أمبية حرير الكرورية
ولا تشربك بنيه زنقاليا البراقة العسيرة الطلعت من عشية
ولا تشربك الخضيرة عاشي كمندان الديش قائد الغربية
تللو تلو تللو تلو
تشربك آتيه
تشربك كلتومة خواجية ضهيب الوقية ألما بشكو فيه
ولا تشربك أم ضي تلتكي القنبلة الذرية
ولا تشربك الدخينة بت حماد الشيخ المهدية الهزمت التركية
تللو تلو تللو تلو
تشربك آتية
تشربك بت سماعيين ابرير اللوة أم ريحتن حلووووة
ولا تشربك فطومة قريدوة الكل الناس بريدوووها
كما لا تخلو هذه الجلسات عن عتاب البنات الجميلات اللاتي تزوجن برجال هم لا يردون لهن الزواج بهم ومحاولة تحريضهن على الرفض من الزواج بهم .فهناك واحده جميلة طلبها واحد صاحب مال ولكنه رجل كبير السن وأصر والدها عليها بالزواج منه لأنه صديقة وإرضاء لوالدها وافقت على مضض لأنها خائفة من كلام البرامكة ففي احد الجلسات قالوا فيها وهي اسمها ( النقيدية )
النقيدية أم عول
أم عقوداً زول
عليك الله لو ربطي فركتكي ومشيتي في وسط الدور ما أخير ليكي من اخيدت ولد ابو قور
فعندما سمعت بهذا الهجاء الصباح رفضت الشايب وقالت لأبوها الموت ولا صحبك ولكن الرجل الشايب طلع عاقل وعفا عنها وشكر والدها الذي كان مصراً على زواجها.
وفي قصة اخري واحد أحب واحدة وتعلق بها وأراد أن يتزوجها وطلب من أبوه واعمامه أن يطلبوها من أهلها فرفضوا بحجة لديهم البنات فلماذا الزواج من جهة أخري وحرموه منها وبعد يومين جاء واحد عسكري وطلبها من أهلها وتزوجها وركبها القطار إلي الخرطوم وترك أخونا والحسرة تعصر قلبه .
فقال :
الريل أبو رقاب الشلتي عقلي
خليتيني مثل الفقير بتم الليل بقري
أنا لموا فوقي الكبار بكتر الكلام قللو صبري
وأنا يا البنجوسة ترى مغلوب على أمري
الشعير مشطو وقندلو ومن تحت تربلو
والوجيج مسحو مسحو وكمان كحلو
والخشيم ياغالية باللبان عطرو
رقد على بطني كن رقد لي غلبي
وانقلب على ضهري وحي انا إهه
اللسان مع اللسان يهاون البلعان والخشيم تقول حلاوة لبان
القطير الشالكي يا البنجوسة أريته بالخراب والقطيب يعدم المسمار
والى أن نلتقي في تراثيات .
محمد قادم نوية- مشرف منتدى الصوتيات
رد: البرمكة والشاي
تلللللل حلو تعال ضوق الشاي حلة حلاتة تدي للغقير بكتب ليك اية البسملة ويقول ليك دا سر الغنى
تدي للصغير برسل ليك عجلة عجلة
تدى للعجوز تقوليك بناتي تلاتة فاطنة ووفطومة وحواء فاطمة مطلقة وفطومة عزبة وحواء رجلها ختر لية 13 سنة تقوليك تعال ياولدي ديك فاس نصلة وهناك عنقريب شيلة جلده.
تدي للصغير برسل ليك عجلة عجلة
تدى للعجوز تقوليك بناتي تلاتة فاطنة ووفطومة وحواء فاطمة مطلقة وفطومة عزبة وحواء رجلها ختر لية 13 سنة تقوليك تعال ياولدي ديك فاس نصلة وهناك عنقريب شيلة جلده.
محمد النو- نشط مميز
رد: البرمكة والشاي
والله يا ود النو لم اطلع على هذا البوست المبالغه وول نويه ده طلع بقارى قح بالجد عارف كل تفاصيل البرامكه 00انا معلوماتى عن البرامكه ضعيفه لكن عندى موقفين واحد فى نيالا كنت فى زياره لها وقد عمل لنا الوالى (الحاج ادم يوسف)دعوه وبعد الاكل جابو لينا فرقه من البرامكه كانت إبداع اذكر فيهم واحد اسمو (الجره المضقوت)هذا رهيب بقول كلام درروالموقف التانى عمنا ابوقطاطى البلى الجابنا الاناتى يبلن بيهمتعه الله بالعافيه هو الان من سكان ابوجبيهه وهو بارع فى مدح الشاى وعندوكلام رصين يشحن ليك السكر من الجنيد الى ان يوصلو الى نيالا ويزكر ليك محطات القطر بصوره رهيبه
غريق كمبال- مشرف المنتدى الاقتصادى
رد: البرمكة والشاي
تللل تللو تللل تلللو
انت اسود
وابوك ابيض
الجابك احمر شنو؟
والله يا جماعة متعتونا متعه ما عادية....ود النو وود نوية...شاهيكو حلو حلا.... زيدونا عليكم الله تانى كبويه كمان...ان شاء الله خصما على حصة بكره....
د.الجنيد احمد سليمان- نشط مميز
رد: البرمكة والشاي
كلكم معزومين معي شاي ...
د/الجنيد رايك شنو نوديهم ل(أم خريسات )
تحياتي
د/الجنيد رايك شنو نوديهم ل(أم خريسات )
تحياتي
زهيرحسن السيد- مبدع مميز
رد: البرمكة والشاي
والله يا عوض السيد لم أمر على هذا البوست إلا اليوم وأنا برمكي خطير .. ومان الكمكلي كان حرالكي بجر
وأبوشعيرة الهني
بجيبوك من الجنيد
وبشربك أنِي
والشاي بعد سياحتنا في هذه الدنيا بقى خشم بيوت ولا يكاد البرمكي زي حالاتنا يحصي أنواعه .. سلام ولنا عودة
وأبوشعيرة الهني
بجيبوك من الجنيد
وبشربك أنِي
والشاي بعد سياحتنا في هذه الدنيا بقى خشم بيوت ولا يكاد البرمكي زي حالاتنا يحصي أنواعه .. سلام ولنا عودة
أزهرى الحاج البشير- مشرف عام
رد: البرمكة والشاي
موجود يا ود الخالة 000000000000
بتحب الخضار شايفك ---حتي اللون المحبب ليك الاخضر 00ح نجيب ليك شاي أخضر رايك شنو؟
سنعود ليكم عن ابوشعيرة وحكاويه000
بتحب الخضار شايفك ---حتي اللون المحبب ليك الاخضر 00ح نجيب ليك شاي أخضر رايك شنو؟
سنعود ليكم عن ابوشعيرة وحكاويه000
محمد قادم نوية- مشرف منتدى الصوتيات
رد: البرمكة والشاي
شاي عشرات رمـــاني شدوه فوق الحلة
شاي عشرات رمـــاني ريحتو طلعــت بره
شاي عشرات رماني للزول يصوطو يضوق
شاي عشرات رمــاني في البرندة الفـــوق
شاي عشرات رمــاني في كبابي الصينى
شــــاي عشرات رمــــاني كيفو كباتـــين
شــاي عشــرات رمانــــى بشربوه أثنين
شاي عشرات رمـــاني ريحتو طلعــت بره
شاي عشرات رماني للزول يصوطو يضوق
شاي عشرات رمــاني في البرندة الفـــوق
شاي عشرات رمــاني في كبابي الصينى
شــــاي عشرات رمــــاني كيفو كباتـــين
شــاي عشــرات رمانــــى بشربوه أثنين
عود الصندل- نشط ثلاثة نجوم
رد: البرمكة والشاي
الشاي أب شعيرة العميرك فواح
ولاك فرش نويلي ولاك ركوب مراح
الشربوك كثير ما لقو فيك أرياح
قداد البيوت إلا التجــــــار أرتاح
شفط ( رشفت ) منهو كباتين
وقـــال ليهو دى عزبـــــــــــه
ودى فتاة ودى في رقبته مطلقه
القـــاسم لقيتو قسم
المريود راقى محترم
حبك في قلبي آلم
ما تتعلم وتتفنن وتخش
الدروس وفي الأمتحان
تطلع الأول ...
وتبقى دكتور ويوم الجمعة
تزورنى في العنبر
وتدنى حقن انا عيان خطر
الشاهي أب شعيره الهنّي
ِلى مـــــا شرابُ دءنى
يشربو إما تاجر إما غنى
وقيته بجنيه ورطله بتور تنى
قال الشاي أب شعيـــرة
الله يخلى الصلحه وسواه
ويقطع بحر المالح براه
ويزور مكه المكرمه تراه
الشاي محـــلاه ومغلاه
حــدادى ما دقــــــــاه
صياغى ما كبــــــــاه
كان أعطيناه لي الفقير
يكتب ليك سورة البسملة
وكــان أعطيناه للصغير
يترسل ليك عجلـــــة
شربوك التجار ، شربــوك الرجـــال
بشربك صبى مزارع لي النهار دفار
بشربك صبي سيار
عنده بارات بلقا طعن فوق المرحال
بشربك صبي قلاجي عنده رأس مال
دفـــار : يقضى حل النهار في مكافحة شئون الحياة ويطوى الزمن ساعة بساعة
سيــار : نقال ( التنقل بالبقر من مكان الى أخر )
بـارات : مفردها بارة أى بقرة
ولاك فرش نويلي ولاك ركوب مراح
الشربوك كثير ما لقو فيك أرياح
قداد البيوت إلا التجــــــار أرتاح
شفط ( رشفت ) منهو كباتين
وقـــال ليهو دى عزبـــــــــــه
ودى فتاة ودى في رقبته مطلقه
القـــاسم لقيتو قسم
المريود راقى محترم
حبك في قلبي آلم
ما تتعلم وتتفنن وتخش
الدروس وفي الأمتحان
تطلع الأول ...
وتبقى دكتور ويوم الجمعة
تزورنى في العنبر
وتدنى حقن انا عيان خطر
الشاهي أب شعيره الهنّي
ِلى مـــــا شرابُ دءنى
يشربو إما تاجر إما غنى
وقيته بجنيه ورطله بتور تنى
قال الشاي أب شعيـــرة
الله يخلى الصلحه وسواه
ويقطع بحر المالح براه
ويزور مكه المكرمه تراه
الشاي محـــلاه ومغلاه
حــدادى ما دقــــــــاه
صياغى ما كبــــــــاه
كان أعطيناه لي الفقير
يكتب ليك سورة البسملة
وكــان أعطيناه للصغير
يترسل ليك عجلـــــة
شربوك التجار ، شربــوك الرجـــال
بشربك صبى مزارع لي النهار دفار
بشربك صبي سيار
عنده بارات بلقا طعن فوق المرحال
بشربك صبي قلاجي عنده رأس مال
دفـــار : يقضى حل النهار في مكافحة شئون الحياة ويطوى الزمن ساعة بساعة
سيــار : نقال ( التنقل بالبقر من مكان الى أخر )
بـارات : مفردها بارة أى بقرة
عود الصندل- نشط ثلاثة نجوم
رد: البرمكة والشاي
شكرا اخى محمد على هذا الانجاز الكبير
صراحة ذوتونى بمعلومات ثرة
صراحة ذوتونى بمعلومات ثرة
يعقوب النو حامد- مبدع مميز
رد: البرمكة والشاي
تَعْزَافُ نايْ،
و(قِرْيافُ) شِعرٍ و شايْ.
كلا الشعر والشاي، إن لمْ أَجِدْ،
قاتِلِي.
فيا صاحِبِي،
قد سلمتَ من الويل،
فالويلُ لي.
****
إنَّ بِي
لَهْفَةَ "البرمكيِّ" "الحريف"
على كوب شايٍ هني
ينعْنعُهُ حَبَقٌ مَنْدَلِي.
وفي مجلس الصدر،
عقدُ البرامكة الأكرمين،
الجهابذة الخيِّرين،
الجحاجحة الأخْيَرين،
سليل ابن برمك جعفر
والغالي علي.
مجلسُ حضرةٍ ما غشاها
دَنِي.
****
أَدِرْ صِرْفَهُ البكر،
شاياً "مُدَنْكَلَ"
كأساً دهاقا
و طُفْ ب " التَّنِي"
***
مزعفرة الراح
مسكية الروح
طيبة الريح
قرقفةٌ في اللسانْ
و نكْهَتُهَا الطِّيبُ،
بين القَرَنْفُلِ و الحَبَّهَانْ.
عبيقُ النَفَسْ
مُنَعْنَعَةً من شذاً لا يغيضُ
تكاد تفيضُ
كما الخندريس،
إذا ما انْبَجَسْ.
الأعزُّ الألذُّ
كَعِزَّةِ دَمْعِ الرجال
إذا ما انحبسْ
قواريرُ رقراقةُ الرَّغْوِ
رائقةُ الصَّفْوِ
في رقّة الحِسِّ، بلُّورها الدُّرُّ
تَلْصِفُ
ضوّاءةٌ في الغلَسْ.
تضيء الوجوهَ البُدُورَ
الشُمُسْ،
وجوه البهاليل و الصيد،
أهلي،
رجال المروءات و البأس،
أهلي الثُّقاةُ الأباةُ
الكُمَاةُ الحُمُسْ.
فإن كشفتْ ساقها الحربُ
شوسٌ عُبُسْ.
و إن وضَعَتْ وِزرَها،
جبروا ما أراقوا
بمالٍ نصيحٍ فصيحٍ،
و صُمْتٍ خُرُسْ.
***
وإن رقّ أهلُ المكارم
راقوا،
وإذ ما أفاقوا
لطافٌ، رِقاقٌ
رهافٌ مُلُسْ.
و فيهم جمالٌ، وفيهم قُدُسْ.
كطلعة "فلاّتيةٍ"
أتْلَعَتْ من " تُلُسْ"
بَرَزَتْ بُرْهَةً، فاسْتَوَتْ
ثُمَّ غابتْ على رِسْلِها
في الظِّبَاءِ الكُنُسْ.
****
نفحةٌ من عبَقْ
على ذات شايٍ،
بذي حُمرةٍ،
كالشفقْ،
دماءُ الغزالةِ مسْكُوبَةً
في الغَسَقْ،
لدى مَجْفَلِ الصَّيْدِ،
قُرْبَ الرِّهيد،
و في حمرةٍ كالنبق
في طبق!
كخمرٍ، تسامَى بِرَاوُوقِهِ
فانْعَتَقْ
و كوبٍ، تدفق ضوءاً
شفيفاً شفيفاً،
كبَدْرِ السماء،
إذا ما اتَّسقْ.
فَطُفْ يا"حريفُ"
و ذُقْ رَشْفَةً، ذاقها أبكمٌ
فنطقْ.
وكل لسانٍ
مَطَقْ!!
أَدِرْ يا "ظريف"
و دِرْ يا " حريف"
و دُرْ بالرحيقِ على الأقربين
و ألْقِِ السلامَ، وجِئْ باليمين
و سَمِّ الإلَهَ،
وصلِّ و سلِّم
على خاتم المرسلين،
و جُدْ بالطريفِ
الرقيقِ العفيفِ،
و هات حُدَاءً
كجَلْوِ العروس
حداءً يجود، كغيم الخريف
يميتُ ويُحْيي،
ثقيلٌ خفيفْ
عنيفٌ لطيف.
****
خمرتنا الشاي،
خُطّابُها،
وحسبك أنّا سُكارى بها
فغنِّ لنا، نحن طُلاّبُها
و زكّ النفوس و أربابها
و حَكِّمْ " قوانين"14 شُرَّابها
و أقمْ شرعها العدل
ما بين أصحابها،
و املأ أباريق أحبابها
و اجْلُ أكوابها
و مُرْ عسكريها وحُجّابها
بألاَّ يطوفَ كمكلي!على بابها
عالم عباس محمد نور
خدورة أم بشق- مشرف منتدى الشعر
رد: البرمكة والشاي
و هات حُدَاءً
كجَلْوِ العروس
حداءً يجود، كغيم الخريف
يميتُ ويُحْيي،
ثقيلٌ خفيفْ
عنيفٌ لطيف.
لله درك يا عالم
شكرا استاذنا على هذه الاتكأء’على برش البرامكة
تحايا
لله درك يا عالم
شكرا استاذنا على هذه الاتكأء’على برش البرامكة
تحايا
فيصل خليل حتيلة- مشرف إجتماعيات أبوجبيهة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى