امثال شعبيه من بلدى

شكرا ابن الاكرام خالد الحاج محى الدين على المشاركه فى البوست

سلامك يصل بمشئية الله عمك عبيد عبدالله رجب خالد العلاقة ليست زمالة فقط . ابى اخو وصديق عمى المرحوم الحاج محى الدين اللهم ارحمه واغفر له برحمتك الواسعه كانوا نعم الاخوه يشهد الله . ما الدنيا فراقه كن بالموت او الحياه .

الاتحاد التعاونى ابوجبيهه كانت ايام عمل وحراك مؤسس يشهد الكل عليه ايام ملئيه بالعمل الجاد والاجتهاد وهمهم تطوير العمل التعاونى وقد كان شهد عليه الكل ايام الخوه الصادقه النضيفه.

يااااااااه .... الاتحاد التعاو.نى ابوجبيهه

اسماء فى عمق الزاكره
عبيد عبدالله رجب ...امد الله فى عمره يا رب
الحاج محى الدين .. اللهم وسع فى قبره
عبدالرازق الحاج ... له الصحه والعافيه يا رب
محمد مضوى (البتيره ) سلامات يا عمو علك بخير
عم تيراب (تلودى ) تحيه خاصه ليك ياعمى
شيخ كامل له الرحمه يا رب
محمد اليسع ( كلوقى ) اللهم وسع فى قبره
كمال عبد الكريم ربى متعه بالصحه
ناصر على عمر سلام
احمد بابكر سلام
امنه كنى رحمتك يا رب
سعيد كنده سلام
..... اسماء كتيره كانت لهم بصمه واضحه فى العطاء عزرا لانى لم ازكرهم كل الاسماء بالتاكيد لهم جميعا منى كل الاحترام والود

خالد تحياتى لك ولاسرتك

قوليت بقتلك تنساها ولكن قوليت بنظيك مابتتنسى

سلام جاكو [strike]

الاخت ناهد اعرف ابوك جيدا ويعرفني جيدا واعرف العلاقة البينهم كبيرة جدا بينهم لكن هذا حال الدنيا نسال الله لم رحل منا الرحمة والمغفرة وطولة العمر للجميع
اختي ضروري تزويدي لو امكن بتلفونات خاصة لكل من الآتي :
1/ العم عبيد عبد الله
2/ العم عبد الرازق
3/ العم كمال عبد الكريم
4/ ناصر علي
5/ احمد بابكر
هؤلاء كانوا اصحاب بكل ما تحمل هذه الكلمة من معني وانشاء الله سوف اتواصل معهم علي اقل تقدير بالتلفون حتي ينال الواحد منا الثواب العظيم من هذه العلاقة الحميمة .
شكرا الاخت ناهد

بت ابا
لانكسر جر ولادفق عسل

jaber abdulsater mohammed كتب:بت ابا
لانكسر جر ولادفق عسل

حباب ول ابا

المثل بقول

السيف ما بتكل جفيلو

واقعدوا عافيه

نبح الكلب خوفا لضنبو

دق الكلب فى عين سيدو حقاره

واقعدوا عافيه

درب السلامة للحول قريب
البعد ولا زرع السعد ( السعد بسكر السين والعين )

سفرة تربحك
وسفرة تشيل من جيبك
وسفرة توريك عيب الرفيق من عيبك

الماعندها ضنب بحاحي ليها ربها

الخلأ ولا الرفيق الفسل

ديكي ولا جملنا

الدنيا دوارا
الدنيا فرندقس

المااكل بايدا ماشبع


اقعدوا طيبين

اخى العزيز جابر عبد الساتر تحياتى لك ولاخى نصر عبد الساتر انشاء الله تكونو بخير عرفت انكم رجعتو الى دار المسيرية ان شا الله خير.
صراحة المثل رائع جدا.
ومثل اخر الولد الصقير بياكل بالشوف
يعنى ما بيعرف انه شبع او انها شبعت الا بعد ما يرجع الطعام او يزوع وثم يواصل الاكل مرة اخرى.
اخى ارجوك ارسل لى تلفون الاخ نصر ضرورى
وشكرا

الشقوق ولا المخلوق

الوحدة ولا الرفيق الفسل

املا بيتك طوب ولا تملا عرقوب

الماعندها ضنب بحاحي ليها سيتا

المحن ضيفات

بيت الشورة ما خرب

من خرج من دارو قل مقدارو

ويقال للشخص الذي يترك منزله ثم يتعرض للبهدله

*******
الموز بجيبك ياقرد
كراع البقر جيابه

ويقال لمن له حاجة عند اخر

*******
التسوي كريت تلقي في جلدها

ويطلق علي من يفعل مكروها لاحد ثم يعود له ومثله من "حفر حفرة لاخيه وقع فيها"

******

يدوك ليها مملحة تدورها يابسه

ويقال لمن يعطي شيئا ويرفضه ثم يندم علي رفضه ويبحث عنه مجددا او غيره

*****

جني الفار حفار

وبقال لمن يشبه ابيه في الفعل ومثله "ابن الوز عوام"

******

زريبة المك .. البره داير يدخل والجوة داير ينفك

ويقال لمن لايرضي بماناله من نصيب

*****

ناس كفوت وناس لفوت هو يجي من الخلا وهي تجي من البيوت لايدن قوت ولايخلو كلمة تفوت

ويقال للمرأة التي تقضي كل يومها في بيوت الاخرين وتنسي بيتها وواجباتها ثم تكون في مناقره مع زوجها عند عودته

******

جهولة ام سكاسك

ويقال للمرأة الكبيرة في السن وتقلد النساء الصغيرات في تصرفاتهن

******

بليلة مبشر ولا زبيحة مكشر

ويقال لصاحب الوجه البشوش او لمن يعمل عملا بطيب خاطر

الجود بالماجود

jaber abdulsater mohammed كتب:الجود بالماجود

شكرا اخى جابر . ازكر مره قلت الجود بالموجود( يمه حاجه غنيه امد الله فى عمرها واعطاها الصحه والعافيه قالت لا يا بتى ....... الجود مابالماجود

الجود قطع جلود


الف شكر

الشبع وجع .

سلامات

السلاح فى ايد الغشيم زى النار فى الهشيم

اخوك التريدا ما تهاظره ولاتمسك ايدا

البريدو لا تناسبو ولا تداينو .

محل مايشكرو ليك ارتع دون .

البطن بطرانه

المثل بقول

السكين من السلب

والعصا من الكلب

وفكة الريق مسمار القلب

ابوقنفوت اميلس مافي

ابوقنفوت بعرف محل بعضي اخو

الميت ولينا والديه علينا

ميتة ولدي ولا خراب بلدي

عدم العرفه ضلام

الشعر صوف والاصل معروف

القحة ولا صمة الخشم

من كترة عقولنا ما اتعرفت اصولنا

الحاكم شوك كتر إذا صاحبته بتشربك فيك

السايقه واصله

الفاتح محمد التوم كتب:

[

color=blue]لينا ألله وعيشــــــــــــــــــــة السوق[/color]

الله ما شق حنك ضيعو

ونعما بالله سلام الفاتح

الطشاش فى بلد العمى شوف