من هو؟ تحديدا في الحباك؟

[أرجو(ولا أدافع عن رجائى) أن نتعامل بسجيّه وحميميه حتى نحافظ على الود القائم بيننا.]

الكلام دا موجه لي أنا ؟
أخى العزيز:----
الصيغه هنا كليّه بمعنى اطلاق الكل لارادة الجزء ولكن دعنى أعترف لك بأننى أطلقت صيغة الكليّه لارادة الكل.
قد تكون أنت المعنى فقط لأن مضمون مداخلتى كان ردا على تعقيبك ولكن اطلاقا لم تكن المعنى لأن لم بينى وبينك شئ لأننا أصلا لم نعرف بعض حتى كتابة هذه السطور لذلك .
خطأك كما طالبتنى هو أنك تطالب شخصا بحذف ما كتبه مع ان هنالك مشرفين واداريين وهذا من صميم واجبهم وثمة خطأ اخر وهو أن كل من يكتب عن والد أو والدة شخص أو أحد أقرباء شخص فهو فى نظرك مرائى.....لا يا عزيزى هذا غير صحيح وكلنا هنا لبعض وأكثر من أهل.
أرجو أن أكون قد استوضحتك كما طلبت.
أكرر ليس بينى وبينك شئ والشاهد أننى لم أعرف من أنت.....
من جانبى فقط كتبت ما أملاه علىّ ضميرى وأعتذر ان دخلت مشوشا على مزاجك.
احترامى بلا حدود

العثمان بن محمد يعقوب آل الشاويش :

ياخي آسف و بعتذر بشدة ؛ الظاهر اني هبشت المحظور ..

لكن خت في اعتبارك انك ( مشرف تاريخ ابوجبيهة )
لما مشرف التاريخ يذكر الناس بالعبارة المطلوب حذفها تبقى النتيجة شنو ؟

اذا جا واحد من أولادو او قرايبو و وجد رجل توفي مكتوب عنو كدا موقفك حيكون شنو ؟
موقف ادارة المنتدى من ( تنقيح المكتوب ) شنو ؟

ياخي ما ينفجر فيك شريان عالصبح .. ما تزعل شديد كدا ..
و برضو ما تكابر في الفارغة ..
أحذف عبارة ( عبدالكريم دين ) من مداخلتك و خليك عاقل ..

انت مشرف تاريخ ؛
ياخي يدي في يدك نأرخ سوا و نحفظ الشي دا هنا ..
بدون زعل و اثارة مشاكل ..
التاريخ دا ما حقي انا و لا حقك انت ؛
بل انت مفروض تبادر في الأشياء دي و ترحب بالجديد فيها ..
خليك زعيم ..
عشان برضو التاريخ يجي يحفظ ليك حقك كمان ..

رداً لما كتبته أدناه :

العثمان بن محمد يعقوب آل الشاويش :

ياخي آسف و بعتذر بشدة ؛ الظاهر اني هبشت المحظور ..

اذا جا واحد من أولادو او قرايبو و وجد رجل توفي مكتوب عنو كدا موقفك حيكون شنو ؟
موقف ادارة المنتدى من ( تنقيح المكتوب ) شنو ؟
أحذف عبارة ( عبدالكريم دين ) من مداخلتك و خليك عاقل ..

التاريخ دا ما حقي انا و لا حقك انت ؛
بل انت مفروض تبادر في الأشياء دي و ترحب بالجديد فيها ..
خليك زعيم ..
عشان برضو التاريخ يجي يحفظ ليك حقك كمان ..
---------------------------------------------------
في معظم الأحيان يبدأ الإنسان ...بأحسن ما يكون وفي النهاية يبقي يخرمج ...كنت اتوقع أن تكمل الإسم وتقول آل نهيان ... انا أصلاً ما زعلان منك ...فقط طريقتك خاطئة ...كل المنتدي رحب واعجب تماماً بشخصك ...وأنا كنت واحد منهم ...ولكن بدأت تخرمج ...((( تقول لي إذا جا واحد من أولادو أو قرايبوا ووجد رجل متوفي مكتوب عنو كدا يكون موقفك شنو ؟؟؟))) وانا أحد أقرباء عمي عبدالكريم الله يرحمه..وإيه رايك ؟؟؟ ...وخلاص حارفع دعوة قضائية على شخصي !!(( وتقول :وأحذف عبارة ( عبدالكريم دين ) من مداخلتك و خليك عاقل ..))
تعرف ياحباكي كل أسرة المنتدي بتعرف هل أنا عاقل أم مجنون ...؟؟؟!!! وانا اعرف ماهو التاريخ ولمن يؤول ...وصدقني نحنا لو وثقنا لتاريخ ابوجبيهة لا ننتظر جميل ولا مقابل ...لأن جيل ابوجبيهة القادم هم أبنائي ، واحبائي ..ويكفيني فقط الإحترام المتبادل بيني واسرة المنتدي ...وحتي لا تفقد أرضيتك بالمنتدي ...كن متواضعاً في أسلوبك وفي كتاباتك ...وصدقني أن اسرة المنتدي ذكية جداً ..وبتفهم كل شئ وحتي لو كان بالتلميح أو الإشارة ...واعتقد هذا يكفي ....

السلام عليكم ...
يا جماعة ختوا الكورة واطة..
(واختلاف الرائ لا يفسد للود قضية)

العثمان بن محمد يعقوب آل الشاويش :

يا أخي الكريم ..
أتمنى ألا تزعل و تاخد في خاطرك ؛
انت ما مبرأ ؛ انت بتغلط و انا بغلط و غيرنا بيغلط ؛ لكن لما نغلط يجب ان نصحح ..
و نقف امام الغلط و نصلحو .. عشان نمشي قدام ..
لكن لما ما نصلح الغلط و نكابر ؛ يصبح دا نوع من العنت و التكبر ..

و أنت شخصياً حاشاك ؛ لا فيك هذا و لا فيك ذاك ..
بل بالعكس منهما ؛ طيب و الله ؛ و ود بلد .. و أصيل ..

أما (أخرمج) فهذا شي لم يحصل و لن يكون ..

و ( تفقد أرضيتك بالمنتدى ) فأنا لا أبحث عن (أرضية) أبدا..

و (كن متواضعاً) ؛ صدقني ليس عندي غيره في الدنيا ؛ و بسيط و أغبش ..

( أسرة المنتدى ذكية ) : لا شك في ذلك .. لكن ينقصنا هنا تنقيح ما يكتب ..

و ( ...واعتقد هذا يكفي ....) :
نعم يكفي ؛ لكن أسحب عبارتك لنقفل الملف ..

تحياتي ..

الفاضل / الفاضل عبدالرازق ..
بما أن البوست آل لي ؛ عنوة ( ضرعانية كدا )؛ أود أن أحييك و أشكر لك مرورك و نصحك ..

تحياتي ..

سلام عليكم جميعاً
والله امبارح دخلت وقريت وبكييييييييييييييييييييييييييت
وحسيت انو عندي اخوان كباااااااااااااااار " وعملوا حاجه ما كويسه"
وقفلت المنتدي ونمت بي باقي دميعاتي
الليله الصباح تاني خشيت وقلت ان شاء الله يا رب العالمين "حباكي" يطلع زول قريب "عمو" عصمان شدييييييييييييد لمن يخجلوا الاثنين انو في "بيتي"-عفواً اعني البوست - اتشاكلوا وما قبلوا اعتذار بعض وتاني بكيييييييييييييييييييت
وعليكم الله كان انا اختكم الصغيرة لوووووووووووووووولز
تجبروا بي خاطري وتقولوا لي بعض عفا الله عما سلف

منتظراكم
----------------------------------------------------------------------
فيني عيب ايّ زول يشاكلني او اتشاكل قدامي او.....او... صدقوني ما بعرف اتعامل معاه تاني نهائياً

الحباكى ده زول !!!!!!!كده يا حباكى لا تدع البوست ينحرف عن هدفهه ونختزل النقاش فى سحب وعدم سحب !!!اقترح ان تستمر فى التوثيق وطرح قامات جديده من رموز الحباك وستجدنا عونا لك بما يتاح لنا من معلومات 00لك مودتى

إبنتي مكانتك دايماً عالية ، غالية ، سامية ....ويكفيك فخراً أنك تحقيقاً لحديث رسولنا الكريم ...الآن تدرسين بالصين ... ومن أجل سودان العزة والكرامة ..وفي مهنة الطب الإنسانية ...والمهنة الغالية دي ..تقدم خدماتها لكل عدو وحبيب ...وصدقيني ... زعلك يؤلمني ...ويؤثرني ..لأننا من الواجب أن نطرح كلمة حلوة جميلة ومفيدة للمنتدي وخاصة أنك بديار الغربة...ولأننا هنا تعودنا أن نلتقي كاسرة ...وأعرف انك توافقيني في رأي نحنا كلنا بنعرف بعض ...بل وحتى بنعرف بيوت بعض في معظم الأحيان ...وأنا اصلاً ....حينما دخلت البوست تبعك الجميل الرائع كروعتك ...دخلت من باب المشاركة ...وحتى كنت بداعب لكيفية التعرف على الحباكي ...وحينما شعرت أن هذا الشخص يتغالا علينا بالتعرف عليه ،،، قلت له لقد سديت نفسي من التعرف عليك ..ودخل لي من باب آخر بيقول لي خليك عاقل !!!!!وأحذف عبارة ( عبدالكريم دين )من بوست أم برم برم عربية شاعيبو ... فبنيتي حينما كتبتها لم أقصد أن أجرح او أخدش أو أستهزأ ...بل من باب ذكر وتوثيق لكل سائقي ابوجبيهة ...والمرحوم غفر الله له ...هو عمي ولحمي ودمي ...وكل ابوجبيهة بتعرف هذا الإسم ...وحينما يقال لا يقصد به شئ سخيف ...بل احياناً من باب الطرفة ...وأخيراً السيد حباكي يشترط لي ...يجب أن أسحب عبارة ( عبدالكريم دين ) وحتي يتم إغلاق هذا الملف ...نحن في محاكمة أم في نزاعات وترسيم حدود ... نحن نجتمع هنا كاسرة ابوجبيهة الواحدة ..والتي أعرفها فرداً فرداً منذ نعومة أظافري إن جاز التعبير ...فبتيتي ...لقد نسيت موضوع التعرف على السيد / حباكي ...وخلاص ...وصدقيني سوف أفعل كل شئ لأطيب خاطرك أيتها الإنسانة المحترمة الرائعة دائماً ...وأسأل الله أن يرد غربتك لكي نفرح بك كلنا ...ولم أنسي موضوع الحج أنا عند رأي ...فقط أنتظر ساعة الصفر لحضوركم ...وننتظركم أنا واخي ابوالزهور .... إحترامي ...

لك التحيه ايها الانسان دئما انت كبير يا ابوعلياء انت فاكهة هذا المنتدى 00نتجاوز الموضوع ونرجع الى موضوع البوست ونوثق لاهلنا يا محترم

يكفيك فخراً أننا تعلمنا منك الذوووق ...والتواصل مع الناس ...ما تتخيل غريق حينما كنت بإجازتي الأخيرة ... ووجدتك إنساناً مواصلاً وفي كل الأفراح والأتراح ...بل مشاركاً وبتجلس لساعات طويلة في زيك المهذب الأنيق ...وهذا ما تعلمانه منك وربنا يحفظك لنا أيها الشامخ دائماً ...محبتي

فى احلى من المنقه يا زهير

احسان الله يديكى العافيه انتى بالجد انسانه حكيمه.
ابوعلياء مين زيّك يا حبيب.
حباكى ليس لدينا أغلى من حكمة الدكتوره.
غريق وزهير (عصمان)منقه لكن (ماكلها) الطير لأنها حلوه

عموعثمان كتب:وفي مهنة الطب الإنسانية ...والمهنة الغالية دي

والله إسمني يا عمو
متخصصة في علم الاحياءبنيتك
-----------------------------------
عوض السيد اخوي كتر الف خيرك
طمنا علي احمد ان شاء الله بلغ الصحة
ووصية بل البلح في اللبن من بالليل والصباح اسقيهوا ليه

ربنا يطمنك عليه يا رب

صدقوني انتم الصفاء والنقاء ...وربي يحفظكم لي جميعاً وأسرة المنتدي الغالية ...وهذه الدنيا لا تسوي شئ ...ممكن سؤال أين الكبار ؟؟؟ كلهم راحوا ...( ونحن إنشاء الله على الدرب سائرون ((وقربنا))والحمد لله....) وهذه الدنيا لا تستاهل الخصومات بجميع أشكالها ... ونفتح الصفحات الناصعة ...ونمد ايادينا لأخونا الغالي والحبيب الحباكي ...ونسأل الله أن نظل إخوة أحباء في الله ...ونكون قدوة (ماعارف قدوة صاح أم خطأ ) لأحباءنا الصغار كي يتعلموا منا الخصال الحميدة ...والقيم الرفيعة ...والنخوة والشاهمة ...وفن التسامح ...ولازلنا وسوف نظل بإذن الله أسرة واحدة ...[ أبوإبراهيم ألف سلامة ..والف حمداً بوصولك أيها الشامخ ...] محبتي لكم جميعاً. عصمــــان .

شكرا يا عصمان يا شامخ 000افتقدنا الحباكى هذا الراجل النشيط وينك يا اصيل طولت الغيبه اتمنى ان يكون المانع خير نحن كلنا شوق لمداخلاتك الظريفه واسلوبك الشيق يا اخى لا تحرم الحباك من حبك كده اظهر يا حبيب

عثمان محمد يعقوب شاويش كتب:
صدقوني انتم الصفاء والنقاء ...وربي يحفظكم لي جميعاً وأسرة المنتدي الغالية ...وهذه الدنيا لا تسوي شئ ...ممكن سؤال أين الكبار ؟؟؟ كلهم راحوا ...( ونحن إنشاء الله على الدرب سائرون ((وقربنا))والحمد لله....) وهذه الدنيا لا تستاهل الخصومات بجميع أشكالها ... ونفتح الصفحات الناصعة ...ونمد ايادينا لأخونا الغالي والحبيب الحباكي ...ونسأل الله أن نظل إخوة أحباء في الله ...ونكون قدوة (ماعارف قدوة صاح أم خطأ ) لأحباءنا الصغار كي يتعلموا منا الخصال الحميدة ...والقيم الرفيعة ...والنخوة والشاهمة ...وفن التسامح ...ولازلنا وسوف نظل بإذن الله أسرة واحدة ...[ أبوإبراهيم ألف سلامة ..والف حمداً بوصولك أيها الشامخ ...] محبتي لكم جميعاً. عصمــــان .

فرحااااااااااااااااااااااااااااااااانه شديد
منتظرين الاخ/حباكي

أنا أحب عثمان شاويش ؛ إذاً أنا موجود ..

عايز اشكر كل الأحباب الذين مروا من هنا .. متصفحين أو ناصحين ..
الابن الفاضل ع الرازق .
الأستاذ / عوض
الأستاذ / غريق
الأستاذ / زهير
الأستاذة و الابنة / ناشي ..

و المتصفحين الذين سجلوا أرقاماً (طردية) و لم يسجلوا حضوراً ..

و أحب أقول لأخي الأستاذ / عثمان :
و الله و بالله ما توقفت عن الدخول هنا الا بسبب مشغوليات الحياة ..
أبداً ما شلت في الخاطر شيء و لو مثقال ذرة ..
و ما في الخاطر الا المحبة و التقدير ؛ و بلا شك أن الحدث لا يزيد الا المحبة ..

أشد على يدك , و اعتذر بشدة ..
و لكل الذين مسهم ( رايش ) من الحديث ..

واكتملت الفرحة
ياخي انت ملك

عارف قلبك ابيض وكلك حسن نية

الذي يذكر الناس بالخير فهو من الخير
ولا يعرف الفضل إلا أهله

وأنا بحب HUBBAKI وبمووووت في أبوجبيهة ....إييييييي
ولك تحياتي أخي الحبيب ...وحباك الله ...وتحياتي لكل أسرة المنتدي دون فرز .... محبتي

الحمدلله الذى ألف القلوب والشكر لكل من ساهم فى تقريب وجهات النظر ان صح التعبير.
(عصمان)و(حباكى)أرجو أن تعتذروا لدكتوره احسان على (دميعاتها)التى سكبتها مرتين......مره حزنا وأخرى فرحا.
تخريمه:------
تعرف يا ابو علياء حباكى دا طلع زول 100%

تسلم ابوإبراهيم ياعسل ...تعرف دموع بنتي الدكتورة دي أغلي ما نملك في هذا المنتدي ويستحيل ....(ويستحيل أرجع إليك ) مش في أغنية كده) ؟؟؟ بس يستحيل أزعل عليك ...إحترامي

الحباكى 000انا زمان مش قلت ليكم الزول ده قدر الاسم وبستحقو بى شرف وجداره 00الزول اصيل بالجد 000لكم محبتى على قول ابو علياء

الحباكى هوووووى عووووووووووك انت وين عووووووك ابو علياء يا ود الشاويش عوووووك الحقو البوست ده عووووووك يا جماعه الجماعه ديل وين

إبننا الفاضل أس 2 ..
تسأل منك العافية ..
الدنيا يا الفاضل و مشاغل الحياة .. تلزمك أحياناً بالبعد عن أحب الناس اليك ..
نحن قريبين و بخيرين الحمد لله !
انت و أهلك عساكم طيبين ؟
تهنئة قليبة حارة بالعيد .. و عام و انت بألف خير ..
عقبال أشوفك كدا و انت محقق كل أمانيك ..
آمين ..



( * بس ما تعرس ؛ خليك بعيييييييييد و عاين بعيونك )

الأستاذ / غريق ..

ياخي شكري لك ( حدو الغرق ) ..
تسأل عنك العافية ..
و تهنئة خاصة لك بالعيد ..
أسعد الله كل أيامك ..

HUBBAKI كتب: الفاضل / الفاضل عبدالرازق ..
بما أن البوست آل لي ؛ عنوة ( ضرعانية كدا )؛ أود أن أحييك و أشكر لك مرورك و نصحك ..

تحياتي ..

خليتو مالك يا حباكي ؟
والله منتظرة مساهماتكم كلكم

د. ناشي
البوست دا ما خليتو .. و ما حأخليو ..
لكن رأيت من المنطقي جدا أن نفتح لكل عملاق بوست منفرد و على حدة ؛ لنكتب للتاريخ (حكاوينا) عن نساء و رجال أثروا بأخلاقهم و عطاياهم و أصبحوا في الذاكرة مشاعلا لأجيال تلي .
مع اهتمامنا - كلنا - بشأن الذي ورد هنا خاصة وأنه على مشارف صفحته الثالثة ..
عموماً : يدينا مع بعض قبل أن نصبح جزءا من التاريخ .. ليذكرونا ..

تحياتي ..

عين العفل منتظرين البوستات الاخري علي احر من الجمر



مشكور اخوي